ausafahmad

Originally Posted by ausafahmad

غزل

بڑا رنگین موسم ہے ‘ سماں ہے پیار کرنے کا
تمہیں دل میں بسانے کا ‘ تمہیں اپنا بنانے کا

سدا کوئل کی آتی ہے ‘ بہت دل کو لبھاتی ہے
بہت دلکش سا موقع ہے ‘ سبھی ارماں جگانے کا

گھٹا گھِر گھِر کے آتی ہے ‘ ہمیں باہر بلاتی ہے
مزا آتا ہے گلیوں میں ‘ بہت ہم کو نہانے کا

درختوں میں ٹھکانے بھی ‘ پرندوں نے بنائے ہیں
مزا آیا ہے انکو بھی ‘ بہت اب چہچہانے کا

یہ موسم کا سہانا پن ‘ یہ موسیقی یہ شادابی
بڑا ہی لطف آیا ہے ‘ کسی سے دل لگانے کا

بہت سی ان کہی باتیں‘ جو باقی ہیںابھی دل میں
یہ موقع ہے بڑا ناد ر ‘ انہیں سب کچھ سنانے کا

مجھے لُوٹا ہے جی بھر کے ‘ انہی کی ان ادائوں نے
بڑا دلچسپ قصّہ ہے ‘ مرے رنگیں فسانے کا

یہ اوصاؔف ِ محبت ہیں ‘ رموزِ زندگانی ہیں
نہ تم رُوٹھو نہ ہم رُوٹھیں‘ یہ موسم ہے منانے کا

اوصاف احمد
حرف ِ آخر : چار بجے سہ پہر
مورخہ ۴ نومبر ۲۰۱۱