ausafahmad

Originally Posted by ausafahmad

غزل

انہیں آج میں نے دیکھا ٗ سر ِ راہ چلتے چلتے
وہ نظر میں بس گئے ہیں ٗ نہیں دل سے اب نکلتے

حسیں اور بھی بہت تھے ٗ مگر ان کی بات کیا تھی
اگر کچھ نیا نہ ہوتا ٗ تو نظر میں وہ نہ بستے

مجھے پہلی ہی نظر میں ٗ وہ کر گئے تھے گھائل
اگر جانتے وہ مجھ کو ٗ نہ کبھی وہ یوں سنورتے

بڑا ناز تھا انہیں جو ٗ حسن و ادا پہ اپنی
کوئ ان کو دیکھتا کیوں ٗ جو لہک کے وہ نہ چلتے

ہمیں قرب کی تمنا ٗ اسی پیار کےسبب تھی
جو تڑپ نہ ہوتی دل میں ٗ وہ ہمیں نہ زیر کرتے

نا مہرباں تھی قسمت ٗ جو مل گئے وہ مجھ کو
نہ ان کو دیکھا ہوتا ٗ نہ آج ان پہ مرتے

چلے تیر دل پہ میرے ٗ اسی بے حسی کے مارے
اگر التفات کرتے ٗ مرے دل کے زخم بھرتے

بہت مجھ سے دور ہیں وہ ٗ مگر دل میں بس رہے ہیں
بھلا پیار کے بنا ہم ٗ انہیں یاد کیسے کرتے

اوصاف کے لہو میں ٗ اشعار دوڑتے ہیں
خوشی ہم کو اور ہوتی ٗ وہ اگر پسند کرتے

اوصاف احمد
حرف ِ آخر : دس بجے شب
مورخہ 01 دسمبر 2011