ausafahmad

Originally Posted by ausafahmad

حمد

خطائوں کا میں پتلا ہوں ‘ بہت نادان ہوں مولا
تو شیطان ِ مغلّظ کو مرے تن سے جدا کر دے

مجھے دے دے وہ بینائی ‘ نظر کی وہ شناسائی
ترے عشق ِ حقیقی سے مجھے جو آشنا کردے

اب اپنی بندگی کا گر ‘ مجھے یارب عطا کردے
مجھے دے دے ہدایت تو ‘ نہیں تو پھر فنا کردے

حقیقت آشکارا ہو ترے در کا گدا بن کر
مرے مولا تو صدقے میں کرم کی اک نگاہ کردے

سنور جائوں نکھر جائوں ‘ میں پاکیزہ رہوں ہر دم
گزارش ہے عزیزوں سے کہ ہربندہ دعا کردے

عطا ہو خاص رحمت سے رزق کی وہ فراوانی
جو میرے آستانے میں سبھی کا ہی بھلا کردے

کسی کا دل نہ مجروح ہومرے افعال ِ بشری سے
مجھے شان ِ کریمی سے تو یہ فن بھی عطا کردے

اوصاف احمد
حرف ِ آخر : سات بجےشب
مورخہ ۱۸ اکتو بر ۲۰۱۱